** درب المراجل **
السفيه اللي جهل كل ماضيه
الناس تعرف ما كتب في سجله
تاريخ واضح بس وده يخفّيه
الشر دايم يتبعه مثل ظله
ان كان غيره للمهالك يوديه
ورايه ضعيف ٍ ما يقدّيه لله
عيب ٍ على مثله يكثّردعاويه
الشق في ثوبه قديم ٍ يشله
الطيب قدمته واناادرا مساويه
ماودي اكشف زلته واستغله
مبدايّ واضح وانااعرف مباديه
الغدر منهاجه بدقه وجله
خذ الرسايل ودها يامحا كيه
قله محمد يرفض الوضع كله
قله محمد يكره الغدر والتيه
ترى الوفاء طبعه وهذه جبله
قله يجنب عن دروب المشاريه
ويترك كلام ٍ فيه عيب ٍ وخله
والله اني لآخذ الحق وأعطيه
ودرب المراجل من قديم ٍ ادله
الرئيسية 